Ezarpenak

Informazio pertsonala, segurtasuna, erabilerraztasuna...

1. Egin klik goiko barrako eskuin-eskuineko botoian.

2. Menu bat agertuko da, egin klik Ezarpenak aukeran.

   

3. Ezarpenen orria agertuko zaigu. Nextcloudek ezarpen mota asko ditu. Ezkerreko aldeko ezarpenen sailkapena ikus dezakegu: Informazioa pertsonala, Segurtasuna, Jarduera... Horietako bakoitzak mota horretako ezarpenak biltzen ditu. Ikus ditzagun batzuk:

   • Informazio pertsonala: Gure kontuaren datuak ezar ditzakegu bertan, hala nola, gure izen-abizenak, e-posta, ze hizkuntza erabili nahi dugun...

   • Segurtasuna: Pasahitza aldatu nahi izanez gero, hemen dugu aukera. Nextclouden ze gailutatik saioa hasi dugun ere ikus dezakegu eta behar izanez gero saio hori amaitu hiru puntuen botoian klik egin eta Ezeztatu aukeratuz. Hau erabilgarria da, adibidez, gure ohiko ordenagailua ez den nonbaitetik Nextclouden saioa hasi eta gero ixtea ahaztu bazaigu. Horrela baimenik gabeko norbait gure kontura sartzea saihestu dezakegu.

     

   • Jakinarazpenak: Gertaera bat ematen denean jakinarazpena jaso dezakegu, baita posta elektronikoz ere. Adibidez, gure gogoko fitxategi bat aldatzen denean. Hemen zehaztu dezakegu noiz jaso nahi ditugun jakinarazpenak.

   • Erabilerraztasuna: Nextcloudek aukera batzuk eskaintzen ditu guztiok eroso lan egin ahal izan dezagun. Hemendik gaitu daitezke.

     • Kontraste altuko modua

     • Gai iluna

     • Dislexia letra-tipoa